Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 354 Hüküm no: 458 Orijinal metin no: [69a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bâkıye bt. Hasan Reis adlı çocuğa nafaka takdir edildiği Hâkim-i muvakki‘-i a‘lâ hâze’l-kitâb bi tevkī‘ihi’l-müstetâb, hâl-i hayâtında Beşiktaş mahallâtından Sinan Paşa mahallesinde sâkin olup bundan akdem Kostantıniyye’den mahrûse-i Selânik’e gider iken Karamürsel deyû ma‘rûf gemisinde maktûlen fevt olan Hasan Reis’in Bâkıye nâm sagīre kızının nafakası, kisvesi ve sâir havâic-i zarûriyyesi için, sagīre-i mesfûrenin vasîsi ve himâye ve terbiyesi altında bulunduğu Âişe Hâtun nâm anası kıbelinden vekîl-i şer‘î edilen Ali b. Mustafa’nın talebiyle, müteveffâ-yı mezbûr babasından irs-i şer‘le kendisine intikāl eden mallardan alınmak üzre zeyilde mezkûr târihden i‘tibâren yevmî râyicü’l-vakt dört akçe farz ve takdîr etti ve vakt-i hâcetde istidâne edip vakt-i zaferde rücû‘ etmesine mezbûre Âişe Hâtun’a izin verdi. Cerâ zâlike ve hurrire fi’l-yevmi’s-sâlis ve’l-ışrîn min şehri Zilhicceti’ş-şerîfe sene sitte ve elf. Şuhûd: Kâtibü’l-hurûf Derviş Hayreddin, Hüsrev b. Abdullah el-Muhzır, İdris Çelebi, Mustafa b. Ali el-Muhzır, Şaban b. Abdullah el-Cündî, Ali b. Abdullah