Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 365 Hüküm no: 478 Orijinal metin no: [71b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müteveffâ Hasan’ın Gürcü asıllı kölesini azat etmiş olduğu Udûlden Şaban b. Receb ve el-Hâc Rıdvan b. Abdullah nâm kimesneler meclis-i şer‘a hâzırân olup, babaları bundan akdem vefât eden Mehmed b. Hasan ve Sabiha bt. Hasan nâm sagīreynin vasiyy-i muhtârı olan Şaban b. Sevindik nâm âti’z-zikr âzâdı münkir bulunan hasm-ı câhid mahzarında, gök gözlü, açık kaşlı, orta boylu, Gürciyyü’l-asl hâmil-i hâze’l-kitâb Rıdvan b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i kemâl-i akl ve nefâ-ı tasarrufâtında bizim yanımızda ve katımızda müdde‘î-i mezbûr Rıdvan b. Abdullah’ı hasbeten lillâhi’l-azîm âzâd ve tahrîr etti. Abd-i mezbûr bu sûretle sâir ahrâr-ı asliyyîn-i mükellefîn gibi hürre oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fi’l-yevmi’s-selâsîn min Muharrem li sene seb‘a ve elf. Şuhûd: Reisü’l-kuzât Kerâmi Efendi, Mehmed b. Alâaddin el-Hatîb, Mustafa b. Abdülgafur, Hasan b. Osman, Mansur b. Mustafa, Yakub b. Veli, Ahmed b. Abdullah, Hamza b. Abdullah el-Yesârî, el-Hâc Murad b. Abdullah ve gayruhüm