Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 379 Hüküm no: 498 Orijinal metin no: [75a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dört bin akçenin ödünç olarak değil bağış olarak verildiği Hâric-i Galata’da Bedreddin Bey mahallesinde vefât eden Sâliha Hâtun’un li eb ve üm karındaşı Mustafa ve vâlidesi Emine işbu hâmilü’l-kitâb zevci ve vârisi olan Receb b. Abdullah nâm kimesneyi meclis-i şer‘a ihzâr ve mahzarında takrîr-i da‘vâ edip müteveffât-ı merkūmenin sende alâ tarîki’l-karz dört bin iki yüz akçesi vardır suâl olunup verâsetimiz hasebiyle beynimizde kısmet olunmasını taleb ederiz dediklerinde gıbbe’s-suâl mezbûr Receb ikrâr ile cevâb verip lâkin merkūme Sâliha bana ergenlik deyû hibe-i sahîha-i şer‘iyye ile hibe edip teslîm eylemişdi ben dahi kabz ve kabûl eyledim demeğin mesfûr Receb’den beyyine taleb olundukda udûl-i ricâlden es-Seyyid Abdurrahman b. es-Seyyid Sefer ve Ali b. Musa li ecli’ş-şehâde meclis-i şer‘e hâzırân olup edâ-i şehâdet-i şer‘iyye eylediklerinde ba‘de ri‘âyeti şerâiti’l-kabûl şehâdetleri hayyiz-i kabûlde vâki‘ olmağın mâ hüve’l-vâki‘ bi’t-taleb kayd olunup mesfûr Receb’in yedine vaz‘ ve def‘ olundu ki lede’l-hâce ihticâc edine. Tahrîren fî evâili Saferi’l-muzaffer sene seb‘a ve elf. Şuhûdü’l-hâl: Mehmed Efendi b. Bâli el-İmâm, Mehmed b. Ahmed, Hasan Reis b. Abdullah, Murad b. Abdullah, Hüsrev b. Abdullah el-Muhzır, Mustafa b. Ali ve gayruhüm