Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 400 Hüküm no: 534 Orijinal metin no: [79b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cevan v. Bayes adlı esirin hizmetini tamamlayıp eline ıtâknâme verildiği Tersâne-i âmire’de istihdâm olunan esîrlerden işbu hâmilü’l-kitâb uzun boylu sarışın açık kaşlı elâ gözlü Efrenciyyü’l-asl Cevan v. Bayes nâm zimmî kadîmü’l-eyyâmdan esîr olup tersâne-i âmire’de bu âna gelince istikāmetle hizmet edip gereği gibi emekdâr olup vezîr-i ekrem müşîr-i müfahham Sinan Paşa hazretlerinin ihdâ ve elf Recebi târihiyle müverrah ve hatemi ile mahtûm tezkiresi olup zikr olunan târihden dört yıl tamâmına varınca hizmet edip ondan sonra ıtâknâmesi verile deyû hâlen dört sene mürûr eyledikden sonra bir buçuk dahi hizmet eylemişdir elimde olan tezkire-i şerîfe mûcebince kıbel-i şer‘den [ıtâk]nâme taleb ederin deyû kavlini musaddık vezîr-i müşârün-ileyhin memhûr tezkiresini Kurd Reis b. Abdullah mübâşeretiyle ibrâz edip nazar olundukda takrîrine muvâfık olmağın ber mûceb-i tezkire-i şerîfe bu vesîka ber sebîl-i ıtâknâme ketb ve tahrîr olunup yed-i tâlibe vaz‘ ve def‘ olundu ki lede’l-hâce müzekkir-i mâ cerâ ola. Tahrîren fî evâhiri şehri Rebî‘ilevvel sene seb‘a ve elf. Şuhûd: Hamza b. Veli, İlyas b. Abdullah, Mustafa b. Abdullah, Cafer b. Abdullah, Ahmed b. Mehmed, Mustafa b. Ali, Hüsrev b. Abdullah ve gayruhüm