Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 402 Hüküm no: 540 Orijinal metin no: [80b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Osman’ın muhallefâtı Hâric-i mahmiye-i Galata mahallâtından Surûrî mahallesinde vefât eden ve geride ana baba bir karındaşı Âişe’yi, Sabiha nâm anasını ve Yusuf Çelebi nâm ammisini bırakan merhûm Mustafa b. Osman’ın muhallefâtıdır. el-Vâki‘ fî evâili şehri Rebî‘ilevvel sene seb‘a ve elf. Meblağ 35.503 Minhe’l-ihrâcât Resm-i kısmet 700 Harc-ı ma‘kūl 550 İhzâriyye 100 Yekûn 34 153 El-Bâkī Hisse-i üm 12.875 Hisse-i uht 17.353 Hisse-i amm 5.830 Mezbûre Âişe’ye bundan akdem fevt olan babası merhûm Osman’dan âid olan on yedi bin iki yüz altmış akçe hisse-i şer‘iyyesiyle cem‘an otuz dört bin altı yüz on altı akçe olup lâkin babalarından intikāl edip mahalle-i mezbûrede vâki‘ dört beyt-i ulvî ve iki beyt-i süflî ve bir fırını ve bi’r-i mâyı ve bir mikdâr bahçeyi ve muhavvatayı müştemil olan evlerin nısfı ve yine mahalle-i mezbûrede vâki‘ inde’l-ahâlî ma‘lûmü’l-hudûd bağın nısfı yirmi beş bin akçeye tutulup ve altı bin üç yüz altmış altı akçe mahmiye-i Kostantıniyye’de Tahtelkal‘a kurbunda vâki‘ haffâflar içinde inde’l-cîrân ma‘lûmü’l-hudûd nısf dükkânın mesârifine sarf olunup mezbûre Âişe’nin vasîsi olan ammisi Yusuf Çelebi zimmetinde iki bin dokuz yüz elli akçe bâkī kaldıkdan sonra zikr olunan nısf evi yevmî bir buçuk akçe kirâ ve zikr olunan nısf dükkân ile mahmiye-i Galata’da haffâflar içinde vâki‘ üç bâb dükkândan sülüs hissesini yevmî on iki akçeye cem‘an on üç buçuk akçe olup zikr olunan meblağ ile ceddesi Hatice bt. Ali kabûl eyledikden sonra tahrîr olundu.