Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 42 Hüküm no: 12 Orijinal metin no: [3a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mehmed’in Eflak asıllı câriyesini vasiyet yoluyla âzad ettiği Udûlden reis-i sultânî Mehmed b. İbrahim ve Kasım Bey b. Abdullah nâm kimesneler, meclis-i şer‘-i şerîfde hâzırân olup husûs-ı âti’l-beyânı münkir, hâric-i mahmiye-i Galata mahallâtından Kulekapısı mahallesinde bundan akdem fevt olan Mehmed b. Mehmed’in zevcesi ve zevi’l-fürûzi’n-nesebiyye cihetiyle vârisi olan Meryem bt. Abdullah nâm hasm-ı câhid mahzarında şöyle şehâdet ettiler ki, müteveffâ-yı mezbûr merhûm Mehmed hâl-i hayâtı ve kemâl-i sıhhatinde, hâzıra bi’l-meclis olan iri gözlü ve Eflakiyyetü’l-asl sagīre câriye-i memlûkesini mevtimden sonra hür olsun diyerek mutlak tedbîrle âzâd etmişdi. Câriye-i mezbûre bu sûretle sâir harâir-i asliyyât gibi hürre oldu. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Tahrîren fî evâhiri Cemâ[ziyelevvel]. Şuhûdü’l-hâl: Mehmed Çelebi b. ( ), Mustafa b. Mehmed, Mehmed Çelebi ( )