Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 75 Hüküm no: 55 Orijinal metin no: [13a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âfitâb bt. Abdullah’ın mal bedelinden müteveffâ İhsan’da alacağı olduğu Udûlden Said Çelebi b. Ahmed ve Nasuh Efendi b. Abdullah nâm kimesneler, kazâ-i mahmiye-i Galata tevâbi‘inden Azabiskelesi mahallesinde vefât eden merhûm İhsan’ın İbrahim nâm sagīrine vasiyy-i muhtâr olan ve husûs-ı âti’l-beyânı vesâyet-i mahkiyesi hasebiyle inkâr eden Ali Çelebi b. Memi Reis nâm kimesne mahzarında, merhûm-ı mezbûr İhsan’ın zevcesi ve vârisi olan hâmiletü hâze’l-kitâb Âfitâb bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûm mezbûr İhsan, hâl-i sıhhatinde bizim yanımızda ve katımızda mezbûre Âfitâb’a müşterâ-i makbûz, vasfı kendi aralarında ma‘lûm emti‘a semeninden râyicü’l-vakt altı bin akçe lâzimü’l-edâ ve vâcibü’l-kazâ borcu olduğunu ikrâr ve i‘tirâf etmişdi. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ fi’t-târihi’l-mezbûr. Şuhûdü’l-hâl: Mehmed Çelebi [b.] Mustafa, Mahmud Çelebi b. Osman, Mustafa b. Mehmed, Mehmed b. Yusuf ve gayruhüm Şâhidân-ı mezbûrân daha sonra vasiyy-i mezbûr mahzarında Manas? b. İdris’den sâdır olan da‘vâda 600 akçeye şâhidlik ettiler.