Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 75 Hüküm no: 54 Orijinal metin no: [13a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Hüseyin’in Rus asıllı câriyesini âzad ettiği Cihangir Câmi‘i imâmı Ali b. Yusuf ve bevvâb-ı sultânî Hasan b. Süleyman nâm kimesneler, kazâ-i mahmiye-i Galata tevâbi‘inden Tophane mahallâtından Cihangir Câmi‘i mahallesinde sâkin iken Mısır yolunda deryâda boğularak ölen merhûm el-Hâc Hüseyin b. ( )’in zevcesi ve vârisi olan ve husûs-ı âti’l-beyânı inkâr eden Mehlika bt. Abdullah nâm hasm-ı câhid mahzarında ve merhûm-ı mezbûrun ana baba bir karındaş çocukları ve usûbet-i nesebiyye cihetiyle vârisleri olan Mahmud ve Mehmed adlı kimesnelerin husûs-ı âti’l-beyânı inkâra vekîlleri olan bevvâb-ı sultânî Yusuf Bey b. Abdullah nâm kimesne mahzarında, hâmiletü hâze’l-kitâb açık kaşlı, sarışın, mavi gözlü, orta boylu Rûsiyyetü’l-asl Yasemin bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûm-ı mezbûr hâl-i hayât ve kemâl-i akl ve sıhhatinde iken lehine şâhidlik yapılan yukarıda vasıfları yazılı câriye-i memlûkesini âzâd etti. Cerâ zâlike ve hurrire fî şehri Ramazân sene hamse aşere ve elf. Şuhûdü’l-hâl: Behrâm Ağa b. Abdullah Cündî, Hüseyin Bey b. Abdullah, Eyüb Bey b. Abdullah, İlyas Bey b. Mustafa çorbacı, Mustafa b. Mehmed muhzır, Hasan Çelebi b. Süleyman Sarrâc-ı sultânî, Mehmed b. Yusuf muhzır