Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 101 Hüküm no: 96 Orijinal metin no: [23a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Behrâm Ağa b. Abdullah’tan kızı Âişe’ye intikal eden mallar Oldur ki, mahmiye-i Galata tevâbi‘inden Beşiktaş’da Sinan Paşa câmi‘i şerîfi mahallesi sâkinlerinden olup Engürüs seferinde bundan akdem vefât eden merhûm Behrâm Ağa b. Abdullah’ın irs-i şer‘le sulbiye-i sagīre kızı Âişe’ye intikāl edip vasîsi Ferhad Ağa b. Hasan vesâyeti hasebiyle zabt ü kabz eylediği emvâlin beyân eder. Cerâ zâlike ve hurrire fî evâsıtı Zilhicce sene hamse aşere ve elf. An bahâ-i çiftlik-i makbûz-ı mevcûd der yed-i vasiyy-i mezbûr 59442 An bahâ-i mahsûl-i çiftlik-i makbûz-ı mevcûd der yed-i vasiyy-i mezbûr 8000 An zimem-i makbûz-ı mevcûd an yed-i Mehmed der yed-i vasiyy-i mezbûr 3000 Sâir muhallefâtdan makbûz-ı mevcûd der yed-i vasiyy-i mezbûr 25621 Yekûn 96063 Şuhûdü’l-hâl: Mehmed Çavuş b. Abdullah, Şaban Kethüdâ b. Abdullah, Mustafa Bey [b.] Abdullah, Halil Bey [b.] Mehmed, Mehmed Bey b. Musa, Mehmed b. Yusuf