Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 128 Hüküm no: 135 Orijinal metin no: [33a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. el-Hâc Mehmed b. Mahmud’un mîrâsçılarının Bal kapanındaki dükkanın tasarruf hakkını el-Hâc Musa b. Abdullah’a tefviz edip bedelini aldıkları Mahmiye-i Galata hâricinde Kasımpaşa câmi‘i şerîfi mahallesi sâkinlerinden olup donanma seferinde Akdeniz’de bundan akdem vefât eden merhûm el-Hâc Mehmed b. Mahmud’un sulbî sagīr oğlu Mustafa’nın vasiyy-i muhtârı ve sulbiye kebîre kızları Hatice ve Âmine’nin tefvîz-i âti’l-beyâna ve semenini kabza vekîl-i şer‘îsi olup vekâleti hasm-ı câhid mahzarında Ahmed b. Mustafa ve Hasan Çavuş b. Abdullah şehâdetleri ile nehc-i şer‘î üzre sâbite olan fahrü’r-rüesâi’l-hâssa İbrahim Bey b. Mustafa nâm kimesne mahfil-i kazâda işbu hâmilü’l-kitâb el-Hâc Musa b. Abdullah nâm kimesne mahzarında vesâyeten ve vekâleten bi’t-tav’i’s-sâf ikrâr ve i‘tirâf edip merhûm-ı mezbûrdan hakk-ı tasarrufu fevt oldukda kānûn-ı pâdişâhî üzre evlâd-ı verese-i mesfûreye intikāl edip mahmiye-i Kostantıniyye’de Bal kapanında vâki‘ Ayasofya-i kebîr vakfı’ndan olup hudûd-i râbi‘ası yine vakf-ı mezbûra müntehî olan bir bâb mahzenin hakk-ı tasarrufunu sagīr-i mezbûrun zarûret-i nafakası olmağın mütevellîsi ma‘rifeti ile mezbûr el-Hâc Musa’ya on bir sikke-i altına vesâyeten ve vekâleten tefvîz edip ol dahi tefevvuz edip mukābele-i tefvîzde meblağ-ı mezbûru merkūm el-Hâc Musa yedinden bi’t-tamâm ahz u kabz eyledim dedikde mezbûr İbrahim Bey’in vech-i meşrûh üzre vesâyeten ve vekâleten sudûr eden kelâmını merkūm el-Hâc Musa vicâhen tasdîk eyledikde mâ vaka‘a bi’t-taleb ketb olundu Cerâ zâlike ve hurrire fî evâsıtı Muharremi’l-harâm sene sitte aşere ve elf. Şuhûdü’l-hâl: el-Hâc Hüseyin b. Abdullah, Ahmed b. Abdullah, İbrahim b. Mehmed, el-Hâc Mehmed eş-Şâmî, el-Hâc Mustafa b. Abdullah