Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 146 Hüküm no: 166 Orijinal metin no: [40a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müslime bt. Seyyid Hüseyin’in mehr-i müeccelinin muhallefâttan ödenmesi Seyyid Ali b. Seyyid Bayezid ve Şaban b. Mustafa nâm kimesneler, mahmiye-i Galata tevâbi‘inden Tophane mahallâtından Yırtlaz Hasan mahallesinde vefât eden merhûm Seyyid Üveys b. Seyyid Fethullah’dan hâmile kalan Müslime bt. Seyyid Hüseyin nâm hâtunun hamline kıbel-i şer‘den mansûb vasî olan ve vesâyet-i mahkiyesi hasebiyle husûs-ı âti’l-beyânı inkâr eden Mehmed b. Yusuf nâm kimesne mahzarında, merhûm-ı mezbûrun zevcesi ve vârisi olan mezbûre Müslime kıbelinden âti’z-zikr meblağın da‘vâ edilmesine, kabzına ve îsâline vekâleti nehc-i şer‘î ile sâbit olan vekîl hâmil-i hâze’l-kitâb Seyyid Veli b. Seyyid İsmail’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, merhûm-ı mezbûr Seyyid Üveys’in üzerinde ve zimmetinde, zevcesi Müslime’nin nikâhları esnâsında ma‘kūd-i aleyh olan mehr-i müeccelden dolayı râyicü’l-vakt üç bin akçe-i Osmânî lâzimü’l-edâ ve vâcibü’l-kazâ hakkı vardır. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra ve zevce-i mezbûreye meblağ-ı mezbûru merhûm-i merkūmdan kısmen veya tamâmen, asâleten veya vekâleten almadığına, bağışlamadığına, bi vechin mine’l-vücûh ve sebebin mine’l-esbâb zimmetini ibrâ etmediğine dâir yemîn verilmesinin ardından hâkim şehâdetleri mûcebince meblağ-ı mezbûrun vekîl-i mersûma muhallefât-ı merhûmdan ödenmesine hükm etti. Cerâ zâlike ve hurrire fî evâhiri Safer sene sitte aşere ve elf. Şuhûdü’l-hâl: Veli b. Şaban, Yusuf b. Ramazan, Mustafa b. Abdullah, Mustafa el-Muhzır ve gayruhüm