Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 183 Hüküm no: 227 Orijinal metin no: [56a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Ağa b. el-Hâc Ömer’in, oğlu Ömer’i vasiyetini tenfize ve Rabia adlı kızına vasiyy-i muhtâr nasb ettiği Budur ki, kazâ-yı Galata müzâfâtından Tophane mahallâtından Cihangir merhûm mahallesinde sâkin olup Dergâh-ı âlî -dâme mahfûfen bi’l-me‘âlî- müteferrikalarından olan fahrü’l-emâcid Ahmed Ağa b. el-Hâc Ömer meclis-i şer‘-i şerîfde sulbî kebîr oğlu Ömer Çelebi mahzarında takrîr-i kelâm edip dünyâ bî-sebât olup bekā olmadığı ulü’l-elbâba ayân olmağla oğlum mezbûr Ömer Çelebi’yi vasiyy-i muhtâr ve kendi makām ve menâbıma nâib ve kāim ihtiyâr edip sagīre kızım Râbia’nın tesviye-i umûruna ve vücûh-i hayrâta ta‘yîn eylediğim meblağın ta‘yîn ettiğim üzre mesârifine bezl ve sırfet-i tasarrufâtına râzı oldum deyip mezbûr Ömer Çelebi dahi bi’l-muvâcehe emr-i vesâyeti kabûl ve edâ-i hıdemâtına ta‘ahhüd etmeğin mâ vaka‘a zabt ve sûreti yedlerine def‘ olundu. Tahrîren fî 20 Cumâdelâhire sene sitte aşere ve elf. Şuhûdü’l-hâl: es-Sâbikūn Yevmü’l-Cum‘a 5 Yevmü’s-sebt 6 el-mübârek inşâallahü ta‘âlâ Yevmü’l-ehad 7 Yevmü’l-isneyn 8 el-mübârek inşâallahü ta‘âlâ ve tekaddes