Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 186 Hüküm no: 234 Orijinal metin no: [57b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müteveffâ İlyas b. Ali’ye ait evin mîrâsçıları arasında taksimi Galata müzâfâtından Kasımpaşa’da Hacı Ferhad mahallesinde bundan akdem vefât eden İlyas b. Ali’nin verâseti kebîr oğlu Mehmed ve kebîre kızı Nisâ ve refîkası Canfedâ’ya münhasır olup ve ancak mahalle-i mezbûrede bir Merarat ve Süleyman Reis ve Şaban Reis ve Hallâc mülkleri ile mahdûd mülk menzilin terk edip ve zevcesi mezbûre Canfedâ’ya bin akçe mehr ve Hacı Behrâm nâm dayısının bin akçe ve avârız-ı mahalle-i mezbûre iki bin akçe cem‘an dört bin akçe deyni terk edip deyn-i mezbûr beyne’l-verese taksîm olundukda mezbûre Canfedâ’ya beş yüz akçe ve mezbûr Mehmed’e iki bin üç yüz otuz dört akçe ve mezbûre Nisâ’ya bin yüz altmış yedi akçe deyn edâsı lâzım gelip ve menzil-i mezbûr mâ beynlerinde taksîm olunmak murâd ettiklerinde talebleri ile Dergâh-ı âlî çavuşlarından Mustafa Çavuş b. Abdullah mübâşereti ile mi‘mârân-ı hâssadan el-Hâc Mustafa b. Abdullah ve Hasan b. el-Hâc Cafer ile ve zeyl-i kitâbda isimleri mastûr olan müslimîn ile menzil-i mezbûrun üzerine varılıp bennâ zirâ‘ı ile ölçülüp cem‘an arz-ı hâliye tûlen otuz dört zirâ‘ ve arzen on iki zirâ‘ ve on sekiz üsbu‘ olup hesâb-ı satrancı üzerine darb ve cem‘ olundukda cem‘an dokuz yüz elli dört zirâ‘ olup ve arz-ı mebniye ölçüldükde tûlen on iki zirâ‘ ve arzen on bir zirâ‘ olup darben ve cem‘an yüz yirmi dört zirâ‘ olup mes’ele yirmi dörtden olmağla sümün-i zevce arz-ı hâliyeden yüz on dört zirâ‘ ve arz-ı mebniyeden on beş zirâ‘ olup bâ kabûl li’z-zekeri mislü hazzi’l-ünseyeyn mûcebi ile mezbûr Mehmed Bey hissesi arz-ı hâliyeden beş yüz elli altı zirâ‘ arz-ı mebniyeden yetmiş iki zirâ‘ olup ve mezbûre Nisâ’nın hissesi arz-ı hâliyeden iki yüz yetmiş sekiz zirâ‘ ve arz-ı mebniyeden otuz altı zirâ‘ olup kapı zarûreti için Süleyman Reis menzili tarafından arz-ı hâliyeden iki yüz yetmiş iki zirâ‘ arz-ı mebniyeden otuz altı zirâ‘ mezbûre Nisâ’nın hissesine ta‘yîn ve hudûduna işâret-i alâmet vaz‘ olunup müzekkir-i mâ cerâ olmak için tahrîr olunup yedine vaz‘ olundu. Tahrîren fî evâhiri Cumâdelâhire sene sitte aşere ve elf. Şuhûdü’l-hâl: Behrâm b. Abdullah, Hacı Hüseyin b. Abdullah, Rıdvan Bey b. Hasan, Ahmed b. Mustafa, İbrahim b. İsa, Şaban b. Abdullah, Süleyman ve gayruhüm