Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 191 Hüküm no: 239 Orijinal metin no: [59a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail Çelebi b. Mustafa’nın Mahmud b. Ahmed’e vekâlet verdiği Udûlden Mehmed b. Yusuf ve Mustafa b. Mehmed nâm kimesneler, husûs-ı âti’l-beyânı inkâr eden hasm-ı câhid mahzarında, hâfız-ı hâze’l-kitâb Mahmud b. Ahmed nâm kimesneden sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, İsmail Çelebi b. Mustafa nâm kimesne zeyilde mezkûr târihden yedi ay mukaddem mezbûr Mahmud b. Ahmed’i “hukūkî her mes’elede kendi re’yine göre hareket et” diyerek cemî‘-i emvâli ve kâffe-i mesâlihi için mutlak vekîl eyleyip kendine nâib kıldı. O da vekâlet-i mezbûreyi kabûl edip hizmet-i lâzımesini edâyı üzerine aldı. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Cerâ zâlike ve hurrire fi’l-yevmi’l-hâmis min şehri Recebi’l-mürecceb min şühûri sene sitte aşere ve elf. Şuhûdü’l-hâl: Süleyman Beşe b. Abdullah er-Râcil, el-Hâc Rıdvan b. Abdullah, el-Hâc Yusuf, Mustafa b. İnebey, Rıdvan Bey b. Abdullah, Osman b. Ahmed