Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 644 Hüküm no: 823 Orijinal metin no: [99b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocası kaybolan Âişe Hatun bt. Mustafa Ağa’ya nafaka takdir edildiği Medîne-i mahmiye-i Kostantıniyye mahallâtından Molla? Ahi mahallesinde sâkine olan Âişe Hâtun bt. merhûm Mustafa Ağa nâm hâtun meclis-i şer‘-i şerîf ve mahfil-i dîn-i münîfe -el-masûn ani’t-tağyîr ve’t-tahrîf- hâzıre olup Hüseyin Ağa b. ( ) nâm zevc-i gāibinin kendisine nafaka veya nafaka cinsinden bir şey bırakmadığına dâir yemîn billâh ettiğinde hâkim, mezbûrenin nafakası, kisvesi ve sâir havâic-i zarûriyyesi için zeyl-i kitâbda mezkûr târihden i‘tibâren zevc-i gāibi üzerine yevmî râyicü’l-vakt otuz akçe farz ve takdîr etti. Hâkim-i mûmâ ileyh ilâveten meblağ-ı mefrûz-i mezbûrun sarfına ve vakt-i hâcette istidâne edip vakt-i zaferde zevc-i gāibine rücû‘ etmesine mezkûre Âişe Hâtun’a izin verdi. Cerâ zâlike ve hurrire fî gurreti Recebi’l-mürecceb sene seb‘a ve seb‘în ve elf. Şuhûdü’l-hâl: Mehmed Çelebi b. Abdülmennân, İbrahim Çelebi b. Ahmed, Baba Resul [b.] Rıdvan, Mehmed b. Ramazan.