Galata Mahkemesi 32 Numaralı Sicil (H. 1015 - 1016 / M. 1606 - 1607) cilt: 36, sayfa: 196 Hüküm no: 248 Orijinal metin no: [61a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâlce el konulan muhallefâttan mîrâs bırakanın vasiyeti gereği on beş bin akçenin ihrâcı Udûlden imâm el-Hâc Hızır b. Murtaza ve Ahmed b. el-Hâc Şaban nâm kimesneler, mahmiye-i mezbûre [Galata] mahallâtından Emeksiz mahallesinde vefât eden Süleyman Beşe b. Yakub’un muhallefâtını zabt eden mahmiye-i Galata’da vâki‘ râcilîn beytülmâli emîni fahrü’l-a‘yân Mehmed Subaşı b. Davud mahzarında, müteveffâ-yı mezbûrun vasiyyetlerini tenfîze vesâyeti emîn-i mûmâ-ileyh mahzarında şer‘an sâbit olan vasiyy-i muhtâr hâmil-i hâze’l-kitâb Mezid Beşe b. Ali nâm kimesneden sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı mezbûr ölümü hatırlayıp umûr ve ahvâlini te’emmül edip sülüs-i mâlının hepsinin hayır ve hasenâta harcanmasını vasiyyet etti. Sonra vasiyyeti üzre sâbit ve ikrârında musır olarak vefât etti. Şehâdetleri ba‘de şerâiti’l-kabûl inde’ş-şer‘ mu‘teber ve makbûl olmağın mûcebince hükm edildi. Vasiyy-i mezbûr sonra emîn-i mesfûrdan müteveffâ-yı mezbûrun sülüs-i mâlı olan râyicü’l-vakt on beş bin akçe-i Osmânîyi emîn-i mezbûr kıbelinden de tasdîk edilerek ahz u kabz etti. Cerâ zâlike ve hurrire fi’l-yevmi’s-sâdis aşere min şehri Receb fî târihi’l-mezbûr. Şuhûdü’l-hâl: es-Sâbikūn