Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 54 Hüküm no: 26 Orijinal metin no: [11a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Hüseyin üzerine babasının vasî tayin olunması Tophâne’de Mustafa Ağa mahallesi sâkinelerinden olup vefât eden Fâtıma bt. el-Hâc Ali nâm hâtunun sadrî oğlu Mehmed nâm sagīrin kıbel-i şer‘-i şerîfden mansûbe vasîsi olan Emine bt. Abdullah nâm hâtun meclis-i şer‘-i şerîfde, vesâyet-i merkūmenin hizmet-i lâzımesini edâda izhâr-ı acz ve bi’l-külliye ferâğ etmeğin, sagīr-i mezbûra vâlidesi müteveffât-ı mezkûreden intikāl eden malını hıfz için babası işbu râfi‘ü’l-kitâb kıdvetü’l-emâsil ve’l-akrân Hüseyin Çavuş b. İbrahim sagīr-i sulbîsi merkūm Mehmed’in vech-i meşrûh üzre mâl-ı mevrûsunu hıfz ve ahvâlini zabt için vasî nasb olunup, ol dahi vesâyet-i merkūmeyi kabûl ve lâzım olan umûrunu iltizâm edip, mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâbi‘ min Saferi’l-hayr li sene selâse ve ışrîn ve elf. Şuhûdü’l-hâl: Hüseyin Subaşı [b.] Abdullah, Piyâle Bey [b.] Abdullah Bevvâb, Mahmud Bey [b.] Abdullah Râcil, Can? Memi Bey Râcil, Mustafa Subaşı [b.] Mehmed ve gayruhüm.