Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 112 Hüküm no: 107 Orijinal metin no: [37b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin Bey b. Nasuh’un on beş bin akçesini vasiyyet etmesi Hüseyin Bey b. Nasuh nâm kimesne meclis-i şer‘-i şerîfde hâzır olup sarrâc-ı sultânî Mustafa Bey b. Kaya nâm kimesne mahzarında, hâlis-i malından ve mahz-ı menâlinden râyicü’l-vakt on beş bin akçe vasiyyet ettiğini ikrâr ve i‘tirâf etti. Meblağ-ı mezbûrdan techîz ve tekfînine râyicü’l-vakt sekiz bin akçe ta‘yîn etti. Canfedâ bt. Abdullah nâm câriyesine de iki bin akçe ta‘yîn etti. Nevcivan bt. Abdullah nâm müdebbere câriyesine de beş bin akçe ta‘yîn etti. Mezkûr Mustafa Bey’i de vasiyyet-i mezkûresinin tenfîzine ve vasiyyetiyle alâkalı sâir umûru îfâya vasiyy-i muhtâr nasb etti. Mezbûr da vesâyet-i merkūmeyi kabûl edip hizmet-i lâzımesini edâyı ta‘ahhüd etti. Cerâ zâlike ve hurrire fî evâhiri Recebi’l-mürecceb sene selâse ve ışrîn ve elf. Şuhûdü’l-hâl: Mustafa Bey b. Hasan el-Cündî, Kasım b. Abdullah, İbrahim Halîfe el-İmâm, Ahmed Halîfe el-İmâm, Veli Beşe b. Abdullah er-Râcil, Ahmed b. Abdullah el-Müezzin, Hüsrev Bey b. Abdullah, Mehmed b. Mustafa, Mehmed b. Hasan, Yusuf b. Nasuh ve gayruhüm mine’l-hâzırîn