Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 118 Hüküm no: 118 Orijinal metin no: [39b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ali Beşe b. Ganî’nin Eflak asıllı câriyesini azat etmesi Udûlden Ali b. Muharrem ve Haydar Beşe b. Abdullah nâm kimesneler meclis-i şer‘-i şerîfde hâzırân olup, Hazret-i Ebî Eyyûb el-Ensârî -radiye anhu Rabbühü’l-Bârî- mahallâtından Zehrâ Hâtun mahallesinde bundan akdem vefât eden Ali Beşe b. Ganî nâm kimesnenin Arslan, Sâkine ve Sabiha nâm evlâd-ı sıgārına kıbel-i şer‘den mansûb vasî olan İbrahim b. Ali nâm kimesne mahzarında, orta boylu, sarışın, açık kaşlı, elâ gözlü, Eflakiyyetü’l-asl hâmiletü hâze’l-kitâb Hasnâ bt. Abdullah nâm hâtundan sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müteveffâ-yı mezbûr hâl-i sıhhati ve kemâl-i aklında iken bizim yanımızda ve katımızda rıkkını mu‘terife bulunan el-mevsûfe bi’l-evsâfi’l-mezkûre câriye-i memlûkesini hasbeten lillâhi’l-azîm ve taleben li merzâti’r-rabbi’r-rahîm âzâd ve tahrîr ettiğini ikrâr ve i‘tirâf etti. Şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın mûcebince hükm edildi. Câriye-i mezbûre bu sûretle sâir harâir-i asliyyât-ı mükellefât gibi hurre bir kimesne oldu. Cerâ zâlike ve hurrire fî evâili Şa‘bâni’l-mu‘azzam sene selâse ve ışrîn ve elf. Şuhûdü’l-hâl: es-Sâbikūn