Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 129 Hüküm no: 131 Orijinal metin no: [44b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. İsmail’in oğlu Muharrem’e dedesi İbrahim’in vasî tayin edilmesi Mahmiye-i Galata mahallâtından Câmi‘-i Kebîr mahallesi sâkinlerinden olup, bundan akdem fevt olan Mustafa b. İsmail nâm kimesnenin sagīr oğlu Muharrem nâm yetime babasından intikāl eden hisse-i şer‘iyyesini zabt ve hıfz için kıbel-i şer‘den vasî nasb olunan Mehmed b. İbrahim fevt olup, cânib-i şer‘den vasî lâzım olmağın işbu hâkim-i muvakki‘u’l-kitâb tûbâ leh[û] ve hüsnü-me’âb sagīr-i merkūmun emvâlini hıfz ve ahvâlini zabt için dedesi mezbûr İsmail’i vasî nasb edip, mezbûr İsmail dahi vesâyet-i merkūmeyi kabûl ve hizmet-i lâzımesini edâya ta‘ahhüd ve iltizâm ettikden sonra bu hurûf ber-sebîl-i temessük ketb ve terkīm olunup, yed-i tâlibe vaz‘ ve teslîm olundu ki lede’l-hâce ihticâc edene. Tahrîren fi’l-yevmi’l-hâmis min şehri Şevvâli’l-mükerrem li sene selâse ve ışrîn ve elf. Şuhûdü’l-hâl: Receb b. Ahmed, el-Hâc Ali b. Mustafa, İsmail b. Musa, Şaban [b.] İbrahim, Mahmud b. Mehmed, Mustafa b. ( ).