Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 132 Hüküm no: 135 Orijinal metin no: [47a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa’nın mehir alacağına hükm edildiği Udûlden Hüseyin b. Kasım ve Kasım b. Cafer nâm kimseler meclis-i şer‘-i celîl ve mahfil-i dîn-i cemîle hâzırân olup mahrûse-i Selanik’te bundan akdem vefât eden Abdullah Reis’in Hatice ve Abdullah nâm sagīr evlâdına kıbel-i şer‘-i kavîmden mansûb vasî olan ve husûs-ı âti’z-zikri vesâyet-i mahkiyesince münkir bulunan Ali Reis b. İskender nâm hasm-ı câhıd mahzarında, merhûm mezbûrun zevcesi bâ‘isetü’l-kitâb Fâtıma bt. Mustafa’dan sâdıra olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ mezbûr Ali Reis hâl-i hayâtı ve sıhhatinde bizim yanımızda ve katımızda lehine şâhitlik yapılan mezbûre Fâtıma’ya nikâhında ma‘kūdun aleyh olan mehr-i müecceli cihetinden üzerinde ve zimmetinde râyicü’l-vakt bin beş yüz akçe-i Osmânî borcu olduğunu ikrâr ve i‘tirâf etti. Müdde‘iye-i mezbûreye meblağ-ı mastûru merhûm mezbûrdan küllen veya ba‘zan, asâleten veya vekâleten almadığına, hibe etmediğine, ibrâ etmediğine dâir yemîn-i bi’llâhi’l-gafûr verildikten sonra şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın, hâkim şehâdetleri mûcebince meblağ-ı mezbûrun merhûmun muhallefâtından edâsına hükm etti. Cerâ ve hurrire fi’l-yevmi’s-sânî aşere min şehri Şevvâli’l-mükerrem sene selâs ve ışrîn ve elf. Şuhûdü’l-hâl: El-Hâc Mehmed b. Ali, Mustafa b. Hasan, Ali Reis b. Ahmed, Ahmed Reis b. Hasan ve gayruhüm