Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 138 Hüküm no: 143 Orijinal metin no: [50a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim b. Hacı Ali’nin babası Hacı Ali b. Abdullah’a vekalet vermesi Mahmiye-i Galata müzâfâtından kasaba-i Kasımpaşa sâkinlerinden İbrahim b. Hacı Ali nâm kimesne mahfil-i kazâda, hâmilü hâze’l-kitâb babası mezbûr Hacı Ali b. Abdullah muvâcehesinde ikrâr ve takrîr-i kelâm edip, kasaba-i mezbûre mahallâtından Câmi‘-i Kebîr mahallesi sâkinelerinden olup bundan akdem vefât eden zevce-i metrûkem Fâtıma bt. Ahmed nâm hâtundan bana irs-i şer‘le intikāl eden hisse-i şâyi‘amı da‘vâ ve talebe ve kabz [ve] îsâle babam mezbûr Hacı Ali’yi kāimmakām nasb ve intisâb eyledim dedikde, mezbûr el-Hâc Ali dahi vekâlet-i mezbûreyi kabûl ve hizmet-i lâzımesini edâya ta‘ahhüd ve iltizâm ettikden sonra mâ-vaka‘a gıbbe’t-taleb ketb olunup, yed-i tâlibe def‘ olundu. Tahrîren fî evâili şehri Zilka‘deti’ş-şerîfe li sene selâse ve ışrîn ve elf. Şuhûdü’l-hâl: Abdülbâkī Çelebi el-Müsta‘id, Yusuf b. Abdullah, Murad Ağa b. Abdullah, el-Hâc Mehmed b. Salih, Hacı Ahmed b. Ali, Mustafa b. Muhzır Veli ve gayruhüm.