Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 140 Hüküm no: 147 Orijinal metin no: [51a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Uğurlu Mehmed b. Abdullah’ın müteveffâ Ahmed’in terekesinde ödünçten alacağı olduğu Medîne-i Hazret-i Ebî Eyyûb el-Ensârî sükkânından olan İbrahim Çelebi b. İsmail ve Allahverdi b. Mehmed nâm kimesneler meclis-i şer‘-i şerîf ve mahfil-i dîn-i münîfde hâzırân olup, babaları medîne-i mezbûre mahallâtından Câmi‘ mahallesinde bundan akdem vefât eden Ümmühâni ve Fâtıma bintey Ahmed nâm sagīreyne kıbel-i şer‘-i şerîfden mansûb vasî olan Osman b. Abdullah nâm hasm-ı câhid mahzarında, hâmil-i hâze’l-kitâb Uğurlu Mehmed b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, lehine şâhidlik yapılan mezbûr Mehmed’in müteveffâ-i merkūmun muhallefâtında karz-ı şer‘î cihetinden râyicü’l-vakt iki bin akçe-i Osmânî lâzımü’l-edâ ve vâcibü’l-kazâ hakkı vardır. Müdde‘î-i mezbûra, meblağ-ı merkūmu kısmen ya da tamâmen müteveffâ-i mesfûrdan almadığına, hibe etmediğine, zimmetini ibrâ etmediğine ve bi vechin mine’l-vücûh ıskāt etmediğine dâir yemîn verilmesinden sonra, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın hâkim şehâdetleri mûcebince meblağ-ı mezbûrun muhallefât-ı merkūmdan edâsına hükm etti. Şuhûdü’l-hâl: Veli b. İbrahim, el-Hâc Mustafa b. Abdullah, el-Muhzırûn