Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 154 Hüküm no: 166 Orijinal metin no: [57b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultan I. Ahmed Hân’ın Anton v. Nikola adlı kölesini azat ettiği Es-Sultânü’l-es‘adü’l-a‘zam ve’l-hâkānü’l-emcedü’l-efham mâlikü’l-imâmiyyeti’l-uzmâ ve’s-sultânü’l-bâhir vârisü’l-hilâfeti’l-kübrâ kâbirü râyeti’ş-şer‘i’l-münîr muvazzi‘u’d-dîni’l-mübîn musahhirü ekālīmü bahren berren mün‘imü’l-me‘âlim ihsânen ve birren el-Masûn ve’l-kılâ‘ …? râfi‘ü’s-sed ve kâşifü’l-bukā‘ emîrü’l-müminîn imâmü’l-müslimîn mutî‘u ahkâmi’ş-şerî‘a ve’d-dîn el-mansûr (bi) nusreti hayri’n-nâsırîn el-bâzilü cehdehû ilâ kelimeti’d-dîn es-sârim seyfehû fî kat‘ı ırkı’l-kefereti ve’l-mütemerridîn es-sultân ibnü’s-sultân celîlü’ş-şân Sultan Ahmed Hân b. es-sultânü’s-sa‘îd ve’l-hâkān Mehmed Hân kıbelinden âti’z-zikr âzâd ikrârına vekâleti nehc-i şer‘î üzre sâbit olan sâhibü’l-birri ve’l-ihsân sâhibü ezyâli’l-hayrâti’l-hasenât nâzımu mesâlihi’l-cumhûr bi ahseni’n-nizâm hâfızü’l-enâm ani’l-ihlâl ve’l-infisâm el-vezîrü’l-mükerrem ve’l-müşîrü’l-mufahham a‘yân arasında Kapudânpaşa diye meşhûr Hazret-i Halil Paşa b. Abdülmennân meclis-i şerîf-i şâmih-i erkân ve mahfil-i dîn-i latîf-i râsih-bünyân alâ şâri‘ihî salavâtullâhi’l-meliki’l-mennânda hâzır olup müvekkil-i mezbûrunun, rıkkını mu‘terif olan, orta boylu, açık kaşlı, esved, alnının sağ yanında eser-i cerh bulunan …?’l-asl hâmilü hâze’l-kitâb Anton v. Nikola nâm abd-i memlûkini hasbeten lillâhi’l-meliki’l-gaffâr ve haseneten li rûhi resûlihi’l-muhtâr âzâd ve tahrîr ettiğini bi’l-vekâle ikrâr ve i‘tirâf etti. Abd-i mezkûr bu sûretle sâir ahrâr-ı asliyyîn-i mükellefîn gibi hür bir kimesne oldu. Cerâ zâlike ve hurrire fi’l-yevmi’s-sâmin ve’l-ışrîn min şehri Zilka‘deti’ş-şerîfe sene selâse ve ışrîn ve elf. Şuhûdü’l-hâl: Mahmud Ağa b. Abdullah, Mustafa Bey b. Abdullah, Mahmud Halîfe b. Ahmed, Hüseyin Reis b. Hasan, Mehmed Çavuş Mübâşir, Mustafa b. Mehmed el-Muhzır, İbrahim el-Muhzır, Ali Bey b. (…?) ve gayruhüm.