Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 157 Hüküm no: 170 Orijinal metin no: [59a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kara Mustafa Bey’in oğlu Muharrem’in Şehriban bt. Abdullah’daki alacağı Mahmiye-i Galata mahallâtından Câmi‘-i Kebîr mahallesi sâkinlerinden olup, bundan [akdem] fevt olan merhûm Kara Mustafa Bey sagīr oğlu Muharrem’e kıbel-i şer‘den vasî nasb olunan İsmail b. Musa nâm kimesne mahfil-i kazâda, Şehriban bt. Abdullah nâm hâtun mahzarında bi’l-vesâye takrîr-i da‘vâ edip sagīr-i mezbûr Muharrem’e yorgan ve tencere bahâsından mezbûre Şehriban zimmetinde yedi yüz akçe [hakkı] vardır, suâl olunup vesâyetim hasebiyle alıverilmesin taleb ederim dedikde, gıbbe’s-suâl mezbûre Şehriban bi’l-külliye inkâr edicek, vasiyy-i mezbûrdan beyyine taleb olundukda ityân-ı beyyineden âciz olmağın alâ vechi’l-âde mezbûre Şehriban zikr olunan eşyâ bahâsından bir akçesi yoktur deyû yemîn etmeğin, mâ-vaka‘a kayd şüd. Tahrîren fî evâili Zilhicce li sene selâse ve ışrîn ve elf. Şuhûdü’l-hâl: el-Mezbûrûn.