Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 165 Hüküm no: 180 Orijinal metin no: [63a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Kapudân’ın evlâdına vasî olan Arnavudzâde Mehmed Efendi’nin gizlediği meblağın defteri Defter oldur ki, bundan akdem vefât eden merhûm Ahmed Kapudân’ın evlâd-ı sıgār[ına] vasî olan merhûm Arnavudzâde Mehmed Efendi vefât ettikde, sıgār-ı mezkûrenin babasından intikāl eden altı yüz sikke-i hasenesini hîn-i tahrîrde kassâm-ı askerî defterinde işâret ettirmeyip ahz ve ihfâ edip, hâlâ vefât ettikde vârisi olmamağla beytülmâl emîni vaz‘-ı yed etmeğin, meblağ-ı mezbûru sıgār-ı merkūma tahsîli için olan harcını ve hisselerini beyân eder. Fî evâili Safer li sene 1024. Meblağ-ı sikke-i hasene 600 72.000 akçe Minhâ Resm-i kısmet 3.000 Bezzâzistânda vaz‘ olunduğu dört yıllık dolap kirâsı 1.300 Harc-ı defter ve hücec 500 Hüccet-i vesâyet 100 Vasiyy-i mezbûrun muhallefâtına vârisi olmamağla, beytülmâl emîni vaz‘-ı yed etmekle meblağ-ı mezbûrun beytülmâl emîni yedinden halâsı için sarf olunan meblağ 13.000 Harc-ı sâire 2.700 Yekûn 20.600 El-bâkī Meblağ 51.400 Hisse-i zevce-i merhûm Ahmed 6.400 Hisse-i ibn Ahmed 30.000 Hisse-i bint Hatice 15.000