Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 165 Hüküm no: 181 Orijinal metin no: [63b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Çavuş’un muhallefatından karısının mehir alacağı olduğu Piyâle b. Abdullah ve Derviş b. Ahmed nâm kimesneler, mahmiye-i Galata müzâfâtından Tophâne kasabası mahallâtından Cihangir mahallesinde bundan akdem vefât eden Ahmed Çavuş’un Mehmed nâm sagīr oğluna kıbel-i şer‘den mansûb vasî olan Eyüb b. Yusuf nâm husûs-i âti’z-zikri münkir hasm-ı câhid mahzarında, [filândan] sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘iye-i mezbûrenin, müteveffâ-yı mezkûrun zimmetinde, nikâhında ta‘ahhüd edilen râyicü’l-vakt iki bin akçe-i Osmânî hakkı vardır. Müdde‘iye-i mezbûreye, meblağ-ı merkūmu müteveffâ-yı merkūmdan aslen veya vekâleten kısmen veya tamâmen almadığına, hibe etmediğine, bi vechin mine’l-vücûh zimmetini ibrâ etmediğine dâir yemîn-i billâhi’l-azîm verilmesinden sonra, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın hâkim şehâdetleri mûcebince meblağ-ı mezbûrun müteveffâyı merkūmun muhallefâtından edâsına hükm etti. Şuhûdü’l-hâl: Mehmed b. Münâdî Receb, Abdi b. Ahmed, Mustafa Efendi el-İmâm, el-Muhzırûn.