Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 167 Hüküm no: 184 Orijinal metin no: [64a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Beytülmâle ait olan miras hissesinin Keyvan b. Abdullah’tan alınması Mahmiye-i Galata’da bi’l-fi‘l beytülmâl-i âmme ve hâssa emîni olan Mustafa Ağa tarafından vekîl olan Yusuf Bey mahfil-i kazâda, mahmiye-i mezbûre müzâfâtından kasaba-i Kasımpaşa mahallâtından Baş Hasan Efendi mahallesi sâkinelerinden olan Keyvan b. Abdullah mahzarında ikrâr ve i‘tirâf edip, müteveffât-ı mezbûrenin muhallefâtı[nın] cümlesi dört bin akçe olmağla, nısfı olan iki bin akçe min ciheti’l-irs zevci mezbûr Keyvan’a intikāl edip ve nısf-ı âharı cânib-i beytülmâle âid olmağın, mîrî için meblağ-ı mezbûr iki bin akçeyi mezbûr Keyvan yedinden vekâletim hasebiyle bi’t-tamâm kabz eyledim. Min ba‘d mezbûr Keyvan zimmetinde mezbûrenin muhallefâtından bir akçe bâkī kalmadı dedikde, mezbûr Yusuf Bey’in kelâmını merkūm Keyvan bi’l-muvâcehe kabûl etmeğin ketb olundu. Tahrîren fî evâhiri Zilhicce li sene selâse ve ışrîn ve elf. Şuhûdü’l-hâl: Abdurrahman Bey b. Mahmud, Usta Hasan b. Kasım, Mehmed b. Abdullah, Mustafa Reis b. Hasan ve gayruhüm.