Galata Mahkemesi 37 Numaralı Sicil (H. 1022 - 1024 / M. 1613 - 1615) cilt: 37, sayfa: 171 Hüküm no: 189 Orijinal metin no: [66a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rıdvan b. Abdullah’ın Kenan b. Abdullah’ta ödünçten alacağı olduğu Mustafa Beşe b. Abdullah ve (…) b. Abdullah nâm kimesneler meclis-i şer‘-i şerîfde hâzırân olup, hâl-i hayâtında mahmiye-i Galata tevâbi‘inden Fındıklı mahallesinde sâkin olup bundan akdem cezîre-i Kıbrıs’da vefât eden Kenan b. Abdullah er-Râcilin vasiyyetlerini tenfîze ve evlâd-ı sıgārının tesviye-i umûruna vasiyy-i muhtâr olan Ali Beşe b. Abdullah nâm husûs-ı âti’z-zikri münkir olan hasm-ı câhid mahzarında, Rıdvan b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâdi’ş-şer‘î şöyle şehâdet ettiler ki, müdde‘î-i mezbûrun, müteveffâ-yı merkūmun zimmetinde karz-ı şer‘î cihetinden râyicü’l-vakt altı bin akçe hakkı vardır. Müdde‘î-i mezbûra, meblağ-ı merkūmu müteveffâ-yı merkūmdan aslen veya vekâleten kısmen veya tamâmen almadığına, hibe etmediğine, bi vechin mine’l-vücûh zimmetini ibrâ etmediğine dâir yemîn-i billâhi’l-azîm verilmesinden sonra, şehâdetleri ba‘de’t-ta‘dîli’ş-şer‘î ve’t-tezkiyyeti’ş-şer‘iyye inde’ş-şer‘ makbûl ve mu‘teber olmağın hâkim şehâdetleri mûcebince meblağ-ı mezbûrun müteveffâyı merkūmun muhallefâtından edâsına hükm etti. Cerâ zâlike ve hurrire fî târihi’l-mezbûr sene 1023. Meblağ-ı mezbûr altı bin akçe Muhzır Mustafa’ya havâle olundu. Sahha. Şuhûdü’l-hâl: el-Mezbûrûn.