Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 34 Hüküm no: 6 Orijinal metin no: [3b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Abdurrahman’ın Eflak asıllı câriyesi Kâmile bt. Abdullah’ı vasiyet yoluyla azadı Hazret-i Ebî Eyyûb-i Ensârî -radiye anhu Rabbühü’l-Bârî- mahallâtından Baba Haydar mahallesi sâkinelerinden olup bundan akdem fevt olan Âişe bt. Abdurrahman nâm hâtunun verâseti vâlidesi Fâtıma bt. Mustafa ve babası Abdurrahman Çavuş ve vâlidesi Fâtıma Hâtun ve zevci Ahmed Çelebi mahfil-i kazâda hâmiletü’l-kitâb orta boylu kara gözlü açık kaşlı buğday enlü Eflakiyyetü’l-asl Kâmile bt. Abdullah nâm câriye mahzarında takrîr-i kelâm edip müteveffât-ı mezbûre işbu câriye-i merkūmu hâl-i sıhhatinde müdebber-i mutlaka ile tedbîr etmişdir hâlâ tedbîr-i mezbûre bizim dahi makbûlümüzdür ba‘de’l-yevm mezbûre Kâmile sâir harâir-i asliyyât gibi hür olup üzerinde mevâl[î] için hakk-ı velâdan gayrı hak ve alâka kalmadı dediklerinde mâ vaka‘a bi’t-taleb ketb olundu. Tahrîren fî evâsıtı şehri Rebî‘ilevvel li sene erba‘a ve ışrîn ve elf. Şuhûdü’l-hâl: Mehmed Çelebi b. Mustafa, Mehmed Çelebi b. Abdurrahman, Yahya Bey b. Mehmed, Ali Bey b. Abdullah, Fetih Çelebi b. Hüsrev ve gayruhüm