Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 34 Hüküm no: 7 Orijinal metin no: [3b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe Hâtun bt. Abdurrahman’ın çocuklarına babaları Ahmed Çelebi b. Rıdvan’ın vasî tayin edildiği Medîne-i Hazret-i Ebî Eyyûb-i Ensârî -radiye anhu Rabbühü’l-Bârî- mahallâtından Baba Haydar mahallesinde sâkine iken vefât eden merhûme Âişe Hâtun bt. Abdurrahman nâm hâtunun oğulları Mehmed ve Mustafa ve kızı Fâtıma’ya anasından irs-i şer‘le intikāl eden emvâlini hıfz [u] hırâset ve ahvâlini zabt için vasî nasb olunmak lâzım [ve] mühim olup babaları işbu hâfızü’l-kitâb Ahmed Çelebi b. Rıdvan nâm kimesne hizmet-i vesâyete kādir olmağın kıbel-i şer‘den mezbûr-ı müşârün-ileyh vasî nasb ve ta‘yîn olunup merkūm dahi hizmet-i vesâyeti edâya müte‘ahhid olacak mâ hüve’l-vâki‘ bi’t-taleb ketb olundu. Tahrîren fî evâsıtı şehri Rebî‘ilevvel li sene erba‘a ve ışrîn ve elf. Şuhûdü’l-hâl: el-mezbûrân