Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 88 Hüküm no: 66 Orijinal metin no: [26b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden Haydar Reis b. Abdülmennân’ın Hamza b. Ali’ye olan borcunun terekesinden ödenmesi İşbu râfi‘ü’l-kitâb Hamza b. Ali nâm kimesne meclis-i şer‘-i şerîfde Galata tevâbi‘inden Fındıklı’da Selime Hâtun mahallesinde vefât eden Haydar Reis b. Abdülmennân’ın bint-i sulbiyesi Sabiha nâm sagīrenin savb-ı şer‘den mansûb vasîsi olan Murad Ağa b. Abdülmennân muvâcehesinde üzerine takrîr-i da‘vâ edip bundan akdem mezbûr Haydar Reis’e karz tarîkiyle on iki aded guruş-ı kebîr verdim ol dahi alıp kabz eyledi. El-hâletü hâzihî vasiyy-i mezbûrun yedinde olan terekesinden taleb ederim deyip gıbbe’s-suâl vasiyy-i mezbûr bi’l-vesâye tereke-i mezbûreye vâzı‘ü’l-yed idiğini ikrâr ve deyn-i mezbûru inkâr etmeğin ba‘de talebi’l-beyyine udûl-i ricâlden mahalle-i mezbûreden Mahmud b. Osman ve Ali b. Bâli nâm kimesneler li ecli’ş-şehâde hâzırân olup gıbbe’l-istişhâd fi’l-vâki‘ mezbûr Haydar Reis mezbûr Hamza’dan bizim huzûrumuzda karz tarîkiyle on iki guruş-ı kebîr alıp kabz eyledi, biz bu husûsa şâhidleriz şehâdet ederiz dediklerinde ba‘de’l-yemîn mûcebi ile hükm olundu. Hurrire fî evâhiri Cumâdelâhire [sene 1026] Şuhûdü’l-hâl: Muharrem b. Hâbil, el-Hâc Abdi, Derviş b. Sırrı, Mustafa el-Muhzır