Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 94 Hüküm no: 74 Orijinal metin no: [29b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Mustafa’nın Ali Çelebi b. Mehmed, Rıdvan b. Abdullah, Mehmed Çelebi b. Ali, Mehmed b. Hamza ve Mehmed b. Hüseyin zimmetlerindeki alacağını tahsil ettiği Mahmiye-i Galata’da Sakabaşı mahallesinde sâkin Mehmed Çelebi b. Mustafa mahfil-i şer‘de Ali Çelebi b. Mehmed ve Rıdvan b. Abdullah ve Mehmed Çelebi b. Ali ve Mehmed b. Hamza ve Mehmed b. Hüseyin nâm kimesneler muvâcehelerinde ikrâr ve takrîr-i kelâm edip mezbûrûn zimmetlerinde ale’s-seviyye beynimizde kadri ve vasfı ilm-i şer‘î ile ma‘lûm iplik bahâsından bir def‘a yirmi bin elli [30a] akçe ve bir def‘a zikr olunan iplik bahâsından on sekiz bin akçe ki cem‘an otuz sekiz bin elli akçeyi mezbûrûnun yedlerinden bi’t-tamâm ve’l-kemâl alıp kabz eyledim, meblağ-ı mezbûrdan mezbûrûnun zimmetlerinde bir akçe ve bir habbe bâkī kalmadı dedikde gıbbe’t-tasdîki’l-mu‘teber mâ hüve’l-vâki‘ bi’t-taleb sebt olundu. Hurrire fi’t-târihi’l-mezbûr. Şuhûdü’l-hâl: Hasan Çelebi b. Mehmed, Mustafa Beşe b. Abdullah, Ahmed Beşe b. Abdullah, el-Hâc Mustafa b. Şaban, Mustafa b. Ahmed Solak, el-Hâc Abdi b. İbrahim, İbrahim el-Muhzır