Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 98 Hüküm no: 81 Orijinal metin no: [32a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vefat eden Mehmed Beşe b. Hasan’ın muhallefâtından beytülmâl hissesinin tahsili Mahmiye-i Galata tevâbi‘inde bi’l-fi‘l beytülmâl emîni olan fahrü’l-a‘yân Murad Ağa b. Abdürrahim tarafından mahmiye-i mezbûre ve tevâbi‘inde vâki‘ olan beytülmâli ahz u kabza vekîl olan nehc-i şer‘î üzre vekâleti sâbite olan Mehmed Bey b. Mustafa mahfil-i şer‘-i şerîfde mahmiye-i Galata tevâbi‘inden kasaba-i Kasımpaşa’da vefât eden merhûm Mehmed Beşe b. Hasan’ın zevce-i metrûkesi ve vârisesi Cennet Hâtun bt. Hasan tarafından husûs-ı âti’z-zikrde vekîl olan Mustafa Halîfe b. Ali el-Müezzin muvâcehesinde ikrâr ve takrîr-i kelâm edip mezbûr Mehmed Beşe’nin zâhirde zevcesi müvekkile-i mezbûreden gayrı vâris-i ma‘rûfu olmamağla cümle terekesinin rub‘u müvekkile-i merkūmeye ve mâ‘adâsı cânib-i beytülmâle âid olup ve zevcesi mersûme tereke-i mezbûrenin cümlesine vâzı‘atü’l-yed olmağın cânib-i beytülmâle âid olan iki bin beş yüz akçeyi rub‘ hissesinden mâ‘adâ cânib-i beytülmâl için alıp kabz eyledim dedikde gıbbe’t-tasdîki’l-mu‘teber mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr sene 1029 Şuhûdü’l-hâl: El-Hâc Ali b. Hüdâverdi, Mehmed Beşe b. İshak, Hasan b. Abdullah, Ramazan [b.] Yusuf, Mehmed Beşe [b.] Ali ve gayruhüm