Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 99 Hüküm no: 82 Orijinal metin no: [32a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed Çelebi b. Mustafa’nın el-Hâc Mehmed b. Süleyman zimmetlerindeki alacağını tahsil ettiği Mahmiye-i Galata’da el-Hâc A‘mâ mahallesinde sâkin Mehmed Çelebi b. Mustafa nâm kimesne mahfil-i şer‘-i şerîfde işbu râfi‘ü’l-kitâb el-Hâc Mehmed b. Süleyman nâm kimesne muvâcehesinde ikrâr ve takrîr-i kelâm edip mezbûr el-Hâc Mehmed zimmetinde beynimizde ilm-i şer‘î ile ma‘lûm iplik bahâsından on sekiz bin akçe hakkım var idi. El-hâletü hâzihî meblağ-ı mezbûr on sekiz bin akçenin on dört bin üç yüz akçesini bir def‘a mezbûr el-Hâc Mehmed’in yedinden alıp kabz eyledim zimmetinde [32b] dört bin üç yüz akçem kalmışdı, meblağ-ı mezbûr dört bin üç yüz akçeyi dahi hâlâ yedinden alıp kabz eyledim, zimmetinde bir akçe hakkım bâkī kalmadı dedikde mukırr-ı mezbûru ikrâr-ı meşrûhunda mezbûr el-Hâc Mehmed dahi vicâhen ve şifâhen tasdîk edicek mâ hüve’l-vâki‘ bi’t-taleb ketb olundu. Hurrire fî evâhiri Cumâdelâhire sene 1029 Şuhûdü’l-hâl: El-Hâc Abdi b. İbrahim, Mehmed Reis b. Mustafa, Mustafa Çelebi [b.] Ahmed el-Yesârî, Mustafa Beşe [b.] Abdullah, Ahmed Beşe [b.] Abdullah ve gayruhüm