Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 102 Hüküm no: 84 Orijinal metin no: [33a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Râziye bt. Ahmed’in menzilini İbrahim Bey b. Veli’ye kiraladığı Medîne-i Ebî Eyyûb el-Ensârî mahallâtından Kasımpaşa mahallesinde sâkin İbrahim Bey b. Veli meclis-i şer‘de mahalle-i mezbûrede bundan akdem vefât eden Mustafa Bey b. Abdullah’ın zevce-i metrûkesi ve sagīreyn sulbî oğulları Eyyûb ve Sâlih’in vasiyy-i şer‘îleri olan işbu hâmiletü hâze’l-kitâb Râziye bt. Ahmed mahzarında ikrâr ve i‘tirâf edip merhûm-ı mezbûrdan sagīrân-ı mezbûrâna irs-i şer‘î ile intikāl edip mahalle-i merkūmede vâki‘ bir tarafı Kerime Hâtun bt. İshak mülkü ve bir tarafı Handan Bey mülkü ve tarafeyn-i âhareyni tarîk-i âm ile mahdûd olan menzili merkūme Râziye’den istîcâr ettiğimde merkūme dahi ecr-i misli olan yevmî beş akçe ile menzil-i merkūmu bana îcâr ve teslîm eylediğinde ben dahi menzil-i merkūmu yevmî beş akçe ile icâre ile istîcâr ve kabûl ve kabz ve tesellüm eyledim dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fî evâili Rebî‘ilâhir li sene tis‘a ve ışrîn ve elf. Şuhûdü’l-hâl: Fahrü’l-akrân Ali Ağa b. Abdullah, Osman Çelebi b. ( ) el-Müezzin, el-Hâc Ali b. Abdullah el-Kayyım, Ali b. Abdullah el-Cündî ve gayruhüm