Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 111 Hüküm no: 96 Orijinal metin no: [36b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Gülizar bt. Abdullah’ın Kamer bt. Abdullah adlı Abaza asıllı câriyesini azat ettiği Mahmiye-i Galata’da Ekmekyemez mahallesinde sâkine Gülizar bt. Abdullah nâm hâtun tarafından i‘tâk-ı âti’z-zikri ikrâra vekîl olup nehc-i şer‘î üzre vekîl olduğu sâbit olan Kaytas Bey b. Abdullah mahfil-i şer‘-i şerîfede işbu orta boylu çatık kaşlı kara gözlü kara yağız Abazaviyyetü’l-asl Kamer bt. Abdullah nâm câriye muvâcehesinde ikrâr ve i‘tirâf edip müvekkilem mezbûrenin memlûke câriyesi olan mezbûre Kamer’i müvekkilem mezbûre Gülizar Hâtun mâlından âzâd ve mülkünden ihrâc eyledi ba‘de’l-yevm sâir harâire-i asliyyât gibi hür olsun dedikde mâ hüve’l-vâki‘ bi’t-taleb sebt olundu. Hurrire fî evâili şehri Şa‘bân li sene sitte ve ışrîn ve elf. Şuhûdü’l-hâl: Hızır Efendi el-İmâm, Ahmed Hâce [b.] Şaban, Hüseyin b. Ramazan, Cafer [b.] Abdullah, Haydar b. Abdullah ve gayruhüm Aşağıda bir dahi kayd olunmuşdur, bu sicilde…? yani âhar sicilde kayd olundu.