Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 113 Hüküm no: 99 Orijinal metin no: [38a-1 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan Ağa b. Abdülmennân’ın Ayşe bt. Üveys’e borcu olduğu Fahrü’l-emâsil Ramazan Ağa b. Abdülmennân meclis-i şer‘-i şerîfe hâzır olup hâl-i hayâtında kazâ-i Galata tevâbi‘inden Kasımpaşa kasabası mahallâtından Yeldeğirmeni mahallesinde sâkin iken vefât eden merhûm-ı mebrûr Memi Paşa b. Abdülmennân’dan olma İsmail, Mehmed, Ali, Halil ve Gevherhan nâm evlâd-ı sıgārına kıbel-i şer‘-i şerîfen mansûbe vasî olan Ayşe bt. Üveys nâm hâtun mahzarında, üzerinde ve zimmetinde sıgār-ı mezbûrîn mâlından ve karz-ı şer‘î cihetinden râyicü’l-vakt yirmi altı bin akçe ve mikdârı ve vasfı beynlerinde ma‘lûm olan müşterâ-yı makbûz çuka bahâsından iki bin akçe lâzımü’l-edâ ve vâcibü’l-kazâ deyni olduğunu ikrâr ve i‘tirâf etti. Karz hâricindeki meblağ zeylde mezkûr târihden bir sene tamâmına müecceldir. Vâki‘ ikrâr, vasiyy-i mezbûre tarafından vicâhen ve şifâhen tasdîk edildi. Hurrire fi’l-mezbûr. Şuhûdü’l-hâl: Es-Sâbikūn