Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 113 Hüküm no: 100 Orijinal metin no: [38a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Müteveffâ Mustafa Reis b. Abdülmennân’ın hayatta iken Rus asıllı câriyesi Gülahmer bt. Abdullah’ı azat ettiği İşbu râfi‘atü’l-kitâb Sarışın Rûsiyyetü’l-asl gök gözlü açık kaşlı Gülahmer bt. Abdullah meclis-i şer‘-i şerîfde Galata tevâbi‘inden Kasımpaşa’da Kulaksız mahallesinde müteveffâ olan merhûm Mustafa Reis b. Abdülmennân’ın bint-i sulbiyesi Âişe Hâtun muvâcehesinde üzerine da‘vâ edip ben merhûm-ı mezbûrun câriye-i memlûkesi iken mevlâm merhûm-ı mezbûr beni hâl-i hayâtında i‘tâk edip ben mu‘taka olmuşken mezbûre Âişe Hâtun bana mülkiyyet üzre vaz‘-ı yed eder suâl olunup kasr-ı yed ettirilmesi matlûbumdur deyûp gıbbe’s-suâl ba‘de subût-i v[â]zı‘ü’l-yed mezbûre Âişe babasının i‘tâk eylediğini inkâr edip mezbûre Gülahmer’den da‘vâsına mutâbık beyyine taleb olundukda udûl-i müslimînden Fazlullah Çelebi b. Mustafa ve Mahmud Çelebi b. Mustafa nâm kimesneler li ecli’ş-şehâde meclis-i şer‘a hâzırân olup istişhâd olunduklarında fi’l-vâki‘ mezbûre Gülahmeri merhûm-ı mezbûr Mustafa Reis hâl-i hayâtında hasbeten lillâhi te‘âlâ bizim huzûrumuzda i‘tâk eyledi biz bu husûsa şâhidleriz şehâdet dahi ederiz dediklerinde ba‘de’t-ta‘dîl ve’t-tezkiyye şehâdetleri makbûle oldukdan sonra mûcebi ile ıtkına hükm olundu. Hurrire fi’t-târihi’l-mezbûr Şuhûdü’l-hâl: Mehmed Efendi b. İsa el-İmâm, Receb b. Veli el-Müezzin, Hasan Bey b. Yusuf, Ali Çelebi b. Ahmed, Hızır Beşe b. Pîrî, Mustafa [b.] Mehmed el-Muhzır, İbrahim el-Muhzır ve gayruhüm