Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 139 Hüküm no: 132 Orijinal metin no: [50a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma Hâtun bt. Sinan’ın Abaza asıllı câriyesi Peymâne bt. Abdullah’ı azat ettiği Mahmiye-i Galata’da el-Hâc A‘mâ mahallesinde sâkine fahrü’l-muhadderât Fâtıma Hâtun bt. Sinan tarafından i‘tâk-ı âti’z-zikri ikrâra vekîl olup [50b] Mehmed b. Ali ve Ahmed b. Mustafa nâm kimesneler şehâdetleri ile şer‘an vekâleti hasm-ı şer‘î-i câhid mahzarında sâbite olan Elvanzâde Mustafa Çelebi meclis-i şer‘-i hatîr-i lâzımü’t-tevkīrde işbu orta boylu kara yağız çatık kaşlı kara gözlü Abazaviyyetü’l-asl müvekkile-i mezbûre için rıkkına mu‘terife olan Peymâne bt. Abdullah nâm câriye muvâcehesinde ikrâr ve i‘tirâf edip evsâf-ı mezkûre ile muttasıfe olup müvekkilem mezbûrenin câriye-i memlûkesi olan merkūme Peymâne’yi müvekkil-i mersûme hasbeten lillâhi te‘âlâ mâlından âzâd ve mülkünden ihrâc ve i‘tâk eyledi ba‘de’l-yevm sâir hürretü’l-asl gibi olsun dedikde mâ hüve’l-vâki‘ bi’t-taleb ketb olundu. Hurrire fi’l-yevmi’s-sâdis ve’l-ışrîn min Ramazâni’l-mübârek li sene 1026 Şuhûdü’l-hâl: Kemâ sebeka