Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 139 Hüküm no: 131 Orijinal metin no: [50a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun bt. Ali’nin Rus asıllı câriyesi Zamâne bt. Abdullah’ı azat ettiği Mahmiye-i Galata’da el-Hâc A‘mâ mahallesinde sâkine fahrü’l-muhadderât Emine Hâtun bt. Ali tarafından âti’z-zikr olan i‘tâkı ikrâra vekîl olduğu hasm-ı câhid muvâcehesinde nehc-i şer‘î üzre sâbit olan Elvanzâde Mustafa Çelebi meclis-i şer‘de işbu orta boylu çatık kaşlı elâ gözlü sarışın Rûsiyyetü’l-asl Zamâne bt. Abdullah nâm câriye muvâcehesinde ikrâr ve i‘tirâf edip evsâf-ı mezkûre ile muttasıfe olup müvekkilem mezbûrenin câriye-i memlûkesi ve müvekkil-i mezbûre için rıkkına mu‘terife mezbûre Zamâne’yi hasbeten lillâhi te‘âlâ mâlından âzâd ve mülkünden ihrâc ve i‘tâk eyledi ba‘de’l-yevm sâir hürretü’l-asl olanlar gibi hürre olsun dedikde mâ vaka‘a alâ vukū‘ihi bi’t-taleb ketb ve terkīm olundu. Hurrire fi’l-yevmi’s-sâdis ve’l-ışrîn min Ramazâni’l-mübârek li sene sitte ve ışrîn ve elf Şuhûdü’l-hâl: Sefer Efendi b. Ferhad el-İmâm, el-Hâc Mustafa b. Murad el-Müezzin, Mustafa Beşe b. Abdullah, Osman b. Mehmed, el-Hâc Mustafa b. Abdülmennân, İbrahim el-Muhzır, Mustafa b. Mehmed el-Muhzır ve gayruhüm