Galata Mahkemesi 46 Numaralı Sicil (H. 1024 - 1029 / M. 1615 - 1620) cilt: 38, sayfa: 159 Hüküm no: 151 Orijinal metin no: [59a-1 Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Cafer Beşe’nin Nasuh Beşe’de ödünçten alacağı olduğu Udûlden Musli Çelebi b. İbrahim ve Mehmed Beşe b. Abdullah nâm kimesneler meclis-i şer‘-i şerîfe hâzırân olup mahmiye-i Kostantıniyye ve mahrûse-i Galata’da vâki‘ râcilîn zümresine mahsûs beytülmâle bi’l-fi‘l emîn olan ve emânet-i mahkiyesi hasebiyle ve hâkim-i şer‘ ma‘rifeti ile dâhil-i Galata mahallâtından el-Hâc A‘mâ mahallesinde bundan akdem vefât eden merhûm Nasuh Beşe b. Abdullah nâm yayanın muhallefâtına zâhirde ma‘rûf vârisi zuhûr etmediği için vâzı‘-ı yed olan fahrü’l-ümenâ Mehmed Ağa b. Mahmud nâm hasm-ı câhid mahzarında, râfi‘ü’l-kitâb Cafer Beşe b. Abdullah’dan sâdır olan da‘vâ-i sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mezbûrun müteveffâ-yı merkūmun zimmetinde karz-ı şer‘î cihetinden lâzımü’l-edâ ve vâcibü’l-kazâ râyicü’l-vakt üç bin akçe-i Osmânî hakkı vardır. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber oldu. Müdde‘î-i merkūma meblağ-ı mersûmu kendisinden veya vekîlinden kısmen veya tamâmen ahz u kabz etmediğine ve bi vechin mine’l-vücûh zimmetini ibrâ eylemediğine dâir yemîn billâhi te‘âlâ verildiğinde hâkim-i muvakki‘ a‘lâ hâze’l-kitâb, meblağ-ı mezbûrun müteveffâ-yı merkūmun muhallefâtından müdde‘î-i mezkûra edâsına hükm etti. Müdde‘î-i mezbûr sonra emîn-i merkūm mahzarında, hükm edilen üç bin akçeyi emîn-i mesfûr yedinden ahz u kabz ettiğini ikrâr etti. Emîn-i mezbûr, mukırr-ı merkūmun ikrâr-ı meşrûhunu vicâhen ve şifâhen tasdîk eyledi. Cerâ zâlike ve hurrire fî evâsıtı Ramazân sene sitte ve ışrîn ve elf. Şuhûdü’l-hâl: Sefer Efendi b. Ferhad el-İmâm, Mahmud Çelebi b. İslâm el-Müezzin, Mehmed Halîfe b. Ali el-Müezzin, Benli Mehmed el-Münâdî, Ali Çelebi b. Abdullah, Mustafa b. Mehmed, İbrahim el-Muhzır ve gayruhüm