Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 84 Hüküm no: 51 Orijinal metin no: [17a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Süleyman’ın İsmail Çelebi adlı çocuğa vasiyye olarak atandığı Hâkim-i muvakki‘ a‘lâ hâze’l-kitâb, mahmiye Galata tevâbi‘inden Kasımpaşa mahallesinde sâkine olan hâmiletü hâze’l-kitâb Rahime Hâtun bt. Süleyman’ı, Mehmed nâm babası bundan akdem vefât eden İsmail Çelebi nâm sagīre hıfz-ı ahvâli ve müteveffâ-yı mezbûr babasından irs-i şer‘le kendisine intikāl eden emvâlin zabtı için zamân-ı bülûğu ve evânî-i rüşdüne kadar ihtiyâcına binâen vasî nasb etti. Mezbûre Rahime Hâtun da vesâyet-i merkūmeyi kabûl edip hizmet-i lâzımesini edâyı üzerine aldı. Cerâ zâlike ve hurrire fi’l-yevmi’s-sâdis ve’l-ışrîn min Şa‘bâni’l-mu‘azzam sene ihdâ ve selâsîn ve elf. Şuhûdü’l-hâl: Ali Ağa b. Mehmed, Mahmud Çelebi b. Ali, Hüseyin Çelebi b. Cafer, Ahmed Çelebi b. Mustafa, Hasan Reis b. Abdullah, Mahmud b. İlyas ve gayruhüm. Oldur ki vasiyy-i mezbûre Rahime üzerine Abdi Çelebi b. Süleyman nâzır nasb olundu. Hurrire fi’t-târihi’l-mezbûr. Şuhûd: El-Mezbûrûn.