Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 94 Hüküm no: 61 Orijinal metin no: [19b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mustafa Beşe’nin Mahmud Ağa’ya ödünçten borcu olduğu Mahmiye-i Galata tevâbi‘inden Tophâne kasabası mahallâtından Cihangir mahallesinde sâkin olan udûlden İshak Ağa b. Abdullah ve yine kasaba-i mezbûre mahallâtından Sakabaşı mahallesi sükkânından Ahmed Bey b. Abdullah nâm kimesneler meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzırân olup, mahmiye-i Galata tevâbi‘inden Tophâne kasabası mahallâtından Mustafa Ağa mahallesinde sâkin iken bundan akdem fevt olan Mustafa Beşe’nin sagīre kızları Şâkire ve Fâtıma’ya kıbel-i şer‘den mansûbe vasî olan İsmihan bt. Ömer nâm hâtun mahzarında, mezbûre Sakabaşı mahallesi sükkânından Mahmud Ağa b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘î-i mezbûrun müteveffâ-yı merkūmun zimmetinde karz-ı şer‘î cihetinden lâzimü’l-edâ ve vâcibü’l-kazâ râyicü’l-vakt beş yüz riyâlî guruş hakkı vardır. Müdde‘î-i mezbûra meblağ-ı merkūmu sağlığında müteveffâ-yı mezkûrun kendisinden veya vekîlinden kısmen veya tamâmen almadığına, hibe etmediğine, bi vechin mine’l-vücûh zimmetini ibrâ etmediğine dâir yemîn billâh verildiğinde ve şâhidlerin şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olduğunda hâkim şehâdetleri mûcebince meblağ-ı mezbûrun müteveffâ-yı mezkûrun muhallefâtından müdde‘î-i merkūma edâsına hükm etti. Cerâ zâlike ve hurrire fi’l-yevmi’r-râbi‘ aşer min Şevvâli’l-mükerrem sene ihdâ ve hamsîn ve elf. Şuhûdü’l-hâl: El-Hâc Hüseyin b. Mustafa, Mahmud Çelebi b. Mustafa, Yusuf b. Abdullah ve gayruhüm.