Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 101 Hüküm no: 70 Orijinal metin no: [21a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma adlı çocuğa nafaka takdir edildiği Hâkim-i muvakki‘, mahmiye-i Galata tevâbi‘inden Tophâne kasabası mahallâtından Mustafa Ağa mahallesinde sâkin iken bundan akdem fevt olan Mustafa Beşe’nin Fâtıma nâm sagīre kızının nafaka, kisve ve sâir havâic-i zarûriyyesi için himâye ve terbiyesi altında bulunduğu İsmihan Hâtun bt. Ömer nâm annesinin talebiyle müteveffâ-yı mezbûr babasından irs-i şer‘le kendisine intikāl eden mallardan alınmak üzere zeyl-i kitâbda mezkûr târihden i‘tibâren yevmî râyicü’l-vakt beş akçe farz ve takdîr etti ve meblağ-ı mefrûzun sarfına ve vakt-i hâcetde istidâne edip lede’z-zafer rücû‘ etmeye mezbûre İsmihan Hâtun’a izin verdi. Cerâ zâlike ve hurrire fi’l-yevmi’t-tâsi‘ aşer min Şevvâli’l-mükerrem sene ihdâ ve hamsîn ve elf. Şuhûdü’l-hâl: Hızır Efendi b. Kemal el-İmâm, Halil Çelebi b. Hızır Efendi, el-Hâc Şükrullah b. Mehmed el-Cündî, el-Hâc Süleyman b. Mehmed.