Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 145 Hüküm no: 108 Orijinal metin no: [33b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed, Hüseyin ve Ayşe adlı çocukların vasîsi üzerine iki kimsenin nâzır atandığı Hâkim el-hâsim el-muvakki‘ a‘lâhu -dâme izzuhu ve a‘lâhu- hâfızü hâze’l-kitâb Ebûbekir Beşe ve Ahmed Beşe b. Ali nâm kimesneleri, mahmiye-i Galata tevâbi‘inden Tophâne kasabası mahallâtından Mustafa Ağa mahallesinde sâkin iken bundan akdem vefât eden Receb Beşe’nin Mehmed, Hüseyin ve Âişe nâm evlâd-ı sıgārına bundan akdem kıbel-i şer‘den vasî nasb edilen nineleri üzerine nâzır nasb etti. vasiyy-i mezbûre bu sûretle sagīrîn-i merkūmîne müteveffâ-yı mesfûr babalarından irs-i şer‘le intikāl eden mallar üzerinde nâzıreyn-i merkūmeynin izni ve ma‘rifeti olmadan tasarrufda bulunamayacaktır. Mezbûrân da nezâret-i merkūmeyi kabûl edip hizmet-i lâzımelerini edâyı müte‘ahhid oldular. Cerâ zâlike ve hurrire fi’l-yevmi’l-hâmis min Muharremi’l-harâm sene isneyn ve hamsîn ve elf. Şuhûdü’l-hâl: Hızır Efendi b. Kemal el-İmâm, Mustafa Çelebi b. Mehmed, Osman Efendi el-İmâm, el-Hâc Receb b. Mustafa, Ahmed Dede b. Hasan, Mehmed Çelebi b. Ahmed ve gayruhüm mine’l-hâzırîn.