Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 159 Hüküm no: 122 Orijinal metin no: [37a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Musli Kapudân b. Hasan’ın kızı Ümmühâni’ye annesi Ayşe bt. Abdullah’ın vasî tayini Mahmiye-i Galata mahallâtından Câmi‘-i Kebîr mahallesi sâkinlerinden iken bundan akdem vefât eden Musli Kapudân b. Hasan nâm müteveffânın emvâl ve erzâkı alâ tarîki’l-irsi’ş-şer‘î evlâdlarına intikāl edip mezbûr müteveffânın sulbiye sagīre kızı Ümmühâni’ye intikāl eden emvâlini hıfz ve ahvâlini zabt için bir vasî lâzım ve mühim olmağın mezbûrenin vâlidesi bâ‘isetü hâze’l-kitâb Âişe bt. Abdullah nâm hâtun kıbel-i şer‘-i şerîfden vasî nasb olunup ol dahi vesâyet-i mezbûreyi kabûl ve hizmet-i lâzımesin edâya ta‘ahhüd eylemeğin mâ vaka‘a bi’t-taleb ketb olundu. Cerâ zâlike ve hurrire fi’l-yevm isnâ aşer min Saferi’l-hayr li sene isneteyn ve hamsîn ve elf. Şuhûdü’l-hâl: Ali Çelebi b. Ahmed, el-Hâc İsa b. el-Hâc Alâaddin, el-Hâc Mehmed b. el-Hâc Ebûbekir, el-Hâc Nasuh b. Ahmed ve gayruhüm.