Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 159 Hüküm no: 123 Orijinal metin no: [37a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Musli Kapudân b. Hasan’ın oğlu Mehmed’e kardeşi Hüseyin Çelebi’nin vasî tayini Mahmiye-i Galata’da Câmi‘-i Kebîr mahallesinde sâkin iken bundan akdem vefât eden Musli Kapudân b. Hasan nâm müteveffânın sulbî sagīr oğlu Mehmed babası müteveffâ-yı mezbûrdan intikāl eden emvâlini zabt için vasî lâzım ve mühim olmağın yine sagīr-i mezbûrun li ebeveyn karındaşı hâfızü’l-kitâb Hüseyin Çelebi b. el-merhûmü’l-mezbûr vesâyeten merkūmeye mahal ve müstahık olmağın vasî nasb u ta‘yîn olunup mezbûr Hüseyin Çelebi dahi vesâyet-i merkūmeyi kabûl ve hizmet-i lâzımesin ta‘ahhüd ve iltizâm eylemeğin mâ vaka‘a bi’t-taleb ketb ve imlâ ve yed-i tâlibe vaz‘ olundu. Cerâ zâlike ve hurrire fi’l-yevmi’s-sânî aşer min Saferi’l-hayr li sene isneteyn ve hamsîn ve elf. Şuhûdü’l-hâl: Mehmed Efendi el-İmâm, el-Hâc İsa b. el-Hâc Alâaddin, el-Hâc Mehmed b. el-Hâc Ebûbekir, el-Hâc Nasuh b. Ali ve gayruhüm.