Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 160 Hüküm no: 124 Orijinal metin no: [37a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sabiha ile kocası Mehmed’in muhâlaa yoluyla ayrıldıkları Mahmiye-i Galata mahallâtından Câmi‘-i Kebîr mahallesinde sâkine olan Sabiha bt. Abdullah nâm hâtun meclis-i şer‘-i şerîf ve mahfil-i dîn-i münîf el-masûn ani’t-tağyîr ve’t-tahrîfe hâzıra olup râfi‘ü hâze’l-kitâb Mehmed b. Abdullah nâm zevci ile hul‘ eyledi. Zevc-i mezbûr da nikâhında ma‘kūdun aleyh olan iki bin üç yüz akçe mehr-i müecceli, nafaka-i iddeti ve me’ûnet-i süknâsı mukābilinde zevce-i merkūmesi ile muhâla‘a yaptı. Zevce-i mezbûre bu sûretle yeni bir nikâh kıyılmadan ve mehir ödenmeden helâl olmayacak şekilde ondan ayrılmış oldu. Sonra her biri zevciyyete müte‘allik da‘vâdan diğerinin zimmetini ibrâ-i âmm-ı kātı‘ ile ibrâ eyledi. Cerâ zâlike ve hurrire fi’l-yevmi’s-sânî aşer sene isneyn ve hamsîn ve elf. Şuhûdü’l-hâl: Mehmed Efendi b. Mustafa, Receb b. Mehmed el-Müezzin, Mehmed Çelebi b. Ramazan, Hüseyin Çelebi b. Abdullah, Receb b. Abdullah ve gayruhüm.