Galata Mahkemesi 65 Numaralı Sicil (H. 1051 - 1053 / M. 1641 - 1644) cilt: 39, sayfa: 179 Hüküm no: 146 Orijinal metin no: [42b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Beşe b. Abdullah’ın varislerinin Zülfikar Çavuş b. Abdullah’daki alacaklarını tahsil için Resul Beşe b. Ali’ye vekalet vermeleri Mahmiye-i Galata’da Hüsam Bey mahallesinde sâkin iken bundan akdem vefât eden Mustafa Beşe b. Abdullah nâm müteveffânın sagīr oğlu Ömer ve sulbiye sagīre kızı Sâliha’nın tesviye-i umûrlarına vasiyy-i muhtârları olan es-Seyyid Mahmud Çelebi b. ( ) meclis-i şer‘-i hatîr-i lâzimü’t-tevkīrde mahmiye-i mezbûrede Mustafa Ağa mahallesinde sâkin râfi‘ü’l-kitâb Resul Beşe b. Ali nâm râcil mahzarında ikrâr ve takrîr-i kelâm edip kasaba-i Sinop sâkinlerinden Zülfikār Çavuş b. Abdullah nâm kimesne zimmetinde mâl-ı mudârebeden merkūm Mustafa’nın yüz guruş hakkı olup kırk yedi guruşunu dâyini olan el-Hâc Haydar b. Abdullah nâm kimesneye havâle edip elli üç guruşunu merkūm Zülfikār Çavuş’dan taleb-i da‘vâ ve bana îsâle mütevakkıf olduğu umûrda merkūm Resul Beşe’yi vesâyetim hasebiyle cânibimden vekîl edip nefsim için nâib-i menâb eyledim dedikde merkūm Resul Beşe dahi vekâlet-i mersûmeyi kabûl ve hizmet-i lâzımesin edâya ta‘ahhüd eylemeğin mâ vaka‘a bi’t-taleb ketb olundu. Hurrire fi’l-yevmi’l-ışrîn min şehri Rebî‘ilevvel li sene isneteyn ve hamsîn ve elf. Şuhûdü’l-hâl: El-Hâc Süleyman Bey b. Abdullah, Zülfikār Reis b. Abdullah, Zülfikār Bey b. Abdullah el-Cündî, Hasan b. Abdullah, Mehmed Beşe b. Abdullah, Cafer b. Abdullah, Mahmud b. Abdullah, Receb b. Abdullah, Mahmud b. İlyas.